إدارة المجلةمن هي المُعلِقة الصوتية إسراء عبيد
معلمه رياض اطفال وباحثة ماجستير
بتحب كل ماهو متعلق بالأطفال لأنهم الجيل الجديد وشايفه إن لازم يفهموا كل حاجة صح وبتحاول توصلهم من اى مكان يعنى حاليا السوشيال ميديا طاغيه على حياتنا فحابه اوصل ليهم عن طريقها + طبعا شغلى معاهم
متى بدأتِ التعليق الصوتي ؟ ولماذا أخذتِ تلك الخطوة؟
بدأت من حوالى ٣ سنين او اكتر
طول عمرى بحب التعليق الصوتى وبالأخص الدوبلاج
ماهي أهدافك من التعليق الصوتي ؟ وماذا تنتظرين في المقابل؟
اقدم معلومات للاطفال باسلوب بسيط وشيق يقدروا يفهموا المعلومه منه
اقدر اغرس فيهم قيم مهمه زى الصدق والأمانة والتعاون والإحترام لأنها للاسف مع الجيل الجديد بتختفى
اقدر من خلاله انمى جانب الخيال عند الاطفال
وكمان ممكن يكون وسيلة تعبير للاطفال عن شعورهم سواء فرح أو حزن أو ضيق أو اى شعور
انتظر فى المقابل انى اقدر احقق كل اللى بتمناه وانى اسيب بصمه مع الاطفال
هل ستشاركِ في جوائز أدبية هذا العام ؟
لو الفرصه موجوده احب طبعا
هل يمكنك ذِكر ثلاثة مفاهيم أو عناصر تطبقيها في كل سكربيت؟
بعتمد دايما انى اوصل مفاهيم كتير مش مفهوم معين
عناصر / فى شخصيتين ثابتين وهما البنت والارنوب صديقها
بعتمد على خيال الاطفال فبستخدم مصطلح ألة زمن أو ساعة مسحوره تقدر تنقل الأشخاص لزمن مختلف
هل هناك مُعلقين صوتيين مشهورين يُلهمونك؟ ولماذا يُلهمونك؟
الممثل القدير دكتور يحيى الفخرانى
كنت ومازلت بحب اسمع سلسلة قصص القران
وطبعا بقلظ مع ماما نجوى
والمسلسل الشهير بوجى وطمطم الأستاذ يونس شلبى والأستاذة هاله فاخر
وعالم سمسم
كل دول بحبهم وكانوا بيقدروا يوصلوا المعلومات والسلوكيات باسلوب جميل وسلسل
إذا كان بإمكانك تحسين محتواكِ، ماذا ستغيرين؟
اطور و ادرب اكتر على نبرات الصوت
هشوف إذا القصص والأفكار كويسه وبقدر اوصل من خلالها المفاهيم والأفكار ولا اغير الطريقه واحاول اخليها مثلا تفاعليه اكتر
ما هي أسوء مواقف حدثت لك في الوسط الأدبي؟ وماذا تعلمتِ منها؟
يمكن لسه متعرضتش لمواقف سيئة فى الوسط لانى بالنسبه ليهم لسه مباراه وغير معروفه
يمكن اقول ان اللى اتعلمته لحد دلوقتى عدم الاستسلام وإن مع السعى والاستمرار إن شاء الله اقدر احقق احلامي وأثبت نفسى داخل الوسط
ما هي الصفات التي تجعل من المُعلق الصوتي مُعلق جيدا؟
وضوح نطق الحروف
التحكم فى طبقات الصوت ويضيف جو وحياة للقصه أو البرنامج اللى بيقدمه
الشعور بالكلمات اللى بيقدمها يعيش الشخصيه والمحتوى
التحكم فى التنفس دايما يكون على اطلاع وباحث بكل ماهو حوله
يتقبل دائما النقد بصدر رحب
يتعلم كل ماهو يتعلق التعليق الصوتى مثل المونتاج
في الأخير ما هو إنطباعك عن المجلة ؟ وما هي ملاحظاتك في ما يخص المحتوى؟
المحتوى المتنوع فكره ممتازة لأنها كده تقدر تقريبا توصل لمعظم الفئات
وبصراحه دعم المجله للمواهب شئ ممتاز وللاسف بقى قليل حاليا و ده ميزة للمجلة
في النهاية بنشكر حضرتك جدًا علي اللقاء الممتع دا ونتمنى لحضرتك كل التوفيق.
- سلسلة قصصية : الخيط الأحمر(4)
- خاطرة :صورة وذكري
- سلسلة قصصية : الخيط الأحمر(3)
- قصيدة : النسيان
- قصة : عقار الحياة
About The Author
About Me
ماجي العقيلي
كريمة حمدان
إيمان فاروق
إنجي الشيمي