الشغل اشتغل، ولما الراجل دا قال النهاردا الفجـر إن المعركة بدأت، كان يقصد الكلمة بكل ما تحمله من معنى !
الراجل دا متابع جيد جدًا للأحداث .. كنت أظنه محرد صمت لعدم كىىىـر الهيبة .. لكنه طلع صمت لدراسة الموقف ..
الراجل دا طلع الفجر زي ما قلت لحضراتكم وسلّم صلاحيات كتير لأكثر المؤسسات عنـفًا وتهورًا في إيران وهي ” الحرس الثوري الإيراني ” ودا علشان حاجتين :
أولًا: لو تم اغتـياله ميكونش هو ساعتها الحاكم الفعلي وبالتالي هيضعـف جدًا من الروح المعنوية للقادة والشعـب
ثانيًا علشان يتم إخافــة الكيان الصهيوني بـ ” الحرس الثوري ” وإعطاءهم رسالة صريحة بإن مفيش نية للتفاوض الا بشروطه .. خاصة بعد ما ” ترامب ” استفزه امبارح بـ 5 جُمَـل فيهم تقليل منه ومن ايران .. ترامب قال :
نحن نعلم جيدًا مكان الخامنئي ولن نغتـاله في الوقت الحالي : ( يعني من الآخر انت عايش علشان احنا عاوزينك عايش )
أتوقع من ايران الاذعان الكامل ووقف النشاط النـووي وليس مجرد وقف إطلاق النار .
كان على إيران أن تقبل بصفقة أمس .. الآن عليها أن تقبل الاستسلام الكامل بدون شروط .. لأنني لست في مزاج جيد للتفاوض الآن :
( اللي هو بيقوله انا عرضت عليك عرضي امبارح، يعني كان في وخلص .. دلوقتي بقى هتوافق على اللي انا اقوله وبس ومتصدعنيش انا مش فايقلك ، دا حرفيًا معنى كلامه ) !
أمريكا لا توافق الآن على تغيير السلطة في إيران كما يريد الكيان الصهيوني. ( بيهـدده بالطريقة كدا انه ممكن يمشيه من حكم ايران )
ترامب بعدها نشر مقاتـلات F16 و F35 في الشرق الاوسط وأمر بجلب مزودة وقود الطائرات بالقرب من ايران وقال : ” على سكان طهران إخلائها فورًا ” وهنا عمل حاجتين، بيوصل للمرشد اني على استعداد للحـرب والحاجة التانية بيقلب الشعب على المرشد
الخامنئي فهم الرسائل اللي بعتهاله ترامب من كلامه دا وطلع من شوية رد عليهم ضمنيًا كدا .. علشان كدا بقولك ركز معايا يا صديقي في الكلمة اللي قالها الخامنئي دلوقتي وتحليلاتها ..
اولا اللي حسبه الخامنئي لقاه .. وبالفعل الاعلان الايراني وتقارير أمريكية قالت ان الغارات الاسرائيلية اللي تمت الفجر من جانب جيش الاحتـلال كانت قاصدة مقر إقامة الخامنئي .. وانا قلتلكم امبارح انه هيختفي بعد تسليم او تفويض السلطة .. وبالفعل لم يكن متواجد في مقر اقامته اللي تم قصفه !
ثانيًا .. النهاردا الصبح انتشرت فيديوهات شغب من جانب الشعب الايراني، بسبب رفضه لتفويض السلطة للحرس الثوري، لانهم عارفين مدى تهـوره وانه ممكن يدخل البلاد لنفق مظلم، فكان ذكاء من الخامنئي انه يطلع النهاردا علطول ويعمل البيان دا علشان يوصل للشعب اني موجود معاكم ومتنازلتش عن السلطة ولا الحكم ..انا بس فوضت الحرس الثوري فيما يخص الحـرب على الكيان الصهيوني !
اليوم هو اليوم المناسب لتحـرير القـدس ، سنظل نحـارب حتى يتم تحريـر القـدس
كمان طلوعه النهاردا جه كـرد ضمني على ترامب لما قال احنا عارفين مكانه الخامنئي .. فطلع النهاردا يتكلم علشان يوصل رسالة ان انا حي وانت معلوماتك غلط وقصفت مكان تاني مكنتش انا فيه اصلا !
طلع كمان يرد على جزئية أتوقع استسلام كامل ووقف النشاط النـووي والكلام اللي قاله ترامب دا .. فقال حملتين حلوين جدًا .. قال العقلاء لا يهددون إيران والشعب الايراني لن يستسلم وسيتحمّل الحـرب التي فُرِضَت عليه .. ونحن لن نقبل ان يفرض علينا أحدهم حربًا او سلامًا ..
ودي جملة حلوة جدًا .. يعني بيقول لـ ترامب بطل عـبط .. لو انت عاقل مش هتهــدد ايران، احنا مش بنعمل حاجة غصب عننا .. هنحارب لما نحب وهنتفاوض لما نحب ..
وبعدين استغل الموقف وخاطب الشعب ان معلشي لازم نتحمّل الطروف الحالية لان دي حـرب اتفرضت علينا ومينفعش نتخلف عنها ..
والكلام دا ليه معنى تاني وهو ان ايران ناوية تكمل في الحـرب ومش بتبص لمفاوضات حالية الا لو تم السماح لهم باستكمال كامل برنامجهم النـووي ،
فطلبت من الشعب الاحتمال لان مضمون كلامه كدا بيقول ان الحـرب لسه مطولة !
لما ترامب قال امبارح امريكا لا توافق الكيان الصهيوني على تغيير السلطة فهنا كان يقصد يخوفه انه ممكن ينزع منه الحكم، علشان كدا الخامنئي رد عليه بالتصرف بتاع انه فوض حزء كبير من صلاحياته للحرس الثوري .. اللي هو بيقوله انا مش فارق معايا الحكم اصلا ..
واداله حتة قوية كدا لما قاله : اسرائيل ارتكبت خطأ فادح وايران لن تغفر لها .. اللي هو احنا مكملين في حـ.ـربنا ومش هنوقف ونبرتنا هتفضل قوية مفيش فيها خنوع او خضوع يدل على اننا عاوزين نتفاوض ..
ورد بقى على جزئية نشر المقاتلات الامريكية بالقرب من ايران بإنه قال : نحن جميعًا نعلم أن من سيحاوب ايران سيخسر بمقدار اكبر من خىىىـائر ايران .. وهنا الخامنئي بيوصلّه انه عارف انك هرّاي يا ترامب وشغل انك كل شوية تندد وتهدد بالحـ.ـرب دا شغل فستك، واي مساعدة لاسرائيل هتكون سرًا .. لان العالم كله يعرف ان امريكا توجهها الحالي عدم الزج بنفسها في اي حرب بالوكالة عن اي كيان مهما كان وضد اي دولة مش بس ايران .. دول لسه منسيوش اللي حصل فيهم في العراق وافغانىىىـتان !
زائد انه قال نحن نعلم مدى الخىىىـائر التي تكبدها الكيان الصهيوني ومدى الخلل في منظوماتهم ، وطبعًا هنا بيسقط على الخلل اللي خصل كذا مرة في منظومة الدفاع الجوي الاسرائيلي والصواريخ الايرانية اللي كلها تقريبًا مر امبارح من القبة الحديدية !
وبعد انتهاء البيان طلع بتصريح أكد بيه على الجملة اللي قالها قبل كدا ردًا على ” النتن ياهو ” .. الجملة اللي قصد بيها تأجيج مشاعر المسلمين كافة سواء في ايران او خارجها لكسب تعاطف الشعوب العربية والاسلامية لما قال : (اليوم هو اليوم المناسب لتحـرير القـدس ، سنظل نحـارب حتى يتم تحريـر القـدس )
ومن هنا حابب اقولكم ان ايران ناوية تتبع سياسة النفس الطويل والكروالفر ودي سياسة مرهقـ.ـة صحيح .. لكن نتائجها مضمونة !
مجملًا البيان كان عاطفي وممتاز ورد على رسائل ضمنية كتير وهنشوف الرد من جانب ترامب على رسائل الخامنئي هيكون عامل ازاي ؟! أعتقد هيقابل بالتصعيد الليلة !
About The Author
About Me
إدارة المجلة
ماجي العقيلي
كريمة حمدان
إيمان فاروق
إنجي الشيمي