حصريًا الدليل علي إثبات هوية فرعون موسى

Written by AMR GADO

مين هو فرعون موسى ؟

عمرو جادو يكتب:

رمسيس الثاني هو فرعون الخروج؟

هل هو الملك بيبي الاول؟

كل دي تساؤلات بتراودنا او بالأخص عشاق التاريخ المصري القديم وعلم المصريات ،

بإذن الله هحاول أجاوب عليهم

ركز معايا جداً لأن الموضوع فيه شوية معلومات خطيرة

يلا بينا نرجع بالزمن كام ألف سنه

السؤال الي ديما بيطاردنا لما بنقرأ سورة القصص او طه او اي سورة فيها قصة سيدنا موسى ليه فرعون دا كان كدا ؟

مع إن كل ملوك مصر منهم الي كان موحد بإله واحد ومنهم الي كان بيحترم الالهه المصرية

ومكنش بيعبدهم للإحساسه بوجود إله أعظم من شوية حجارة

ومن دراستي وبحثي ف الموضوع دا من فترة كبيرة لقيت أن أغلب وصايا الملوك للأمراء وأولياء العهد بإحترام أديان اهل كيمت(مصر)

ومنها وصايا الملك أمنحتب الثالث لإبنه امنحتب الرابع (أخناتون) “عليك بإحترام كهنة آمون حتي لا تغضب والدتك الملكة تي فهي متعصبة لدينها”

ودا بيدل ان ملوك مصر بيحترموا إختلاف الأديان مش زي فرعون موسى ف القرآن الكريم

نيجي للسؤال الاول وهو مين هو فرعون؟

فرعون يا سيدي كان إسم شخص حكم مصر فترة من الزمن أثناء غزو الهكسوس الي دام ٦٠٠ سنه تقريباً

وكانوا ف مصر السفلى الي هي الدلتا ووجه بحري حالياً معني كدا ان الرعامسة او أُسرات الملك رمسيس بريئه

لان رمسيس الثاني اعظم ملوك الرعامسة بنى مدينة مخصوصة لزوجته الملكة نفرتاري ف مصر العليا في محافظة الشرقية زي ما بيقول بعض الباحثين وبكدا أثبتنا برائة رمسيس الثاني

هيجي حد يقولي وايه دليلك ياعم جادو، هقوله شوف المراجع والمصادر تحت وابحث فيها كويس جدا هتعرف لو حابب.

نيجي للسؤال التاني هل رمسيس الثاني هو فرعون الخروج؟

زي ما اثبتنا فوق ان مفيش اي علاقه بين رمسيس وفرعون هقولك رمسيس الثاني مش فرعون موسى

رمسيس الثاني مغرقش في البحر لان الملح الي في جثمانه مش ملح بحر ،

الملح اللي في جثمانه ملح وادي النطرون وهو ملح تحنيط وموجود في جسم كل المومياوات ودي حاجه طبيعية ودرسناها وبردو موجودة دراسة تفصيليه وتشريح لمومياء رمسيس علي يوتيوب تقدر ترجعلها

وبردو مذكور ف كذا موقع ف القرآن ان ربنا دمر كل آثار ال فرعون ونسفها

ودا بينافي تماماً الواقع لو اتهمنا رمسيس انه فرعون (حاشا لله) ولكن ابسط مثال معبد الكرنك ودا ف حد ذاته دليل برائة الرعامسه من التهمه دي

وكمان اثار رمسيس الثاني مغرقه مصر من شرقها لغربها حتى ليه اثار بره ومنها مسلة البيت الأبيض الي اهداها نابليون لرئيس أمريكا وقتها

رمسيس الثاني كان موحد وكان بيعبد آمون وان فيه اله واحد اللي خلق الكون وليه بردية بيتكلم فيها مع الإله يبقي ازاي هيكون بيتكلم مع اله وانه بيعبد اله وهو بيدعي الألوهية؟

كمان رمسيس الثاني ميت في سن كبير ، هل يعقل ان حد عنده ٩٥ سنه هيقدر يجري وينزل يحارب ويطارد كمان من صعيد مصر لحد سينا.

وفيه ناس كمان قالت ان موريس بوكاي الي شرّح جثة رمسيس انه قال دا فرعون الخروج وإشاعة إسلامه.

موريس ولا قال ان رمسيس هو فرعون ولا حاجه وكل الكلام دا هبد وملوش اي صحه إطلاقاً

ويمكن الله اعلم كان سبب إسلامه شئ تاني وحاجات كتير جداً تبعد الموضوع ده عن رمسيس التاني.

بداية الكلام عن رمسيس الثاني اصلا كان تفكير يهودي لإن اليهود هما أكتر ناس بتكره الحضارة المصرية

بما أن فرعون كان حاكم مصر وقت خروجهم وطردهم ،كمان هما اللي اخترعوا كلمة فراعنه واطلقوها على الملوك المصريين والحضارة المصرية ،

وهما كمان الي اخترعوا ان فرعون يكون رمسيس الثاني عشان هو من اكتر الملوك البارزين في الحضارة المصرية وفعهدة مصر عاشت ازهى عصورها

لكن تفكيرهم انهم يشوهوا الحضارة المصرية بأي طريقة وللأسف نجحوا في كده ، والناس بقيت تقول فراعنه وف كتب التاريخ والمناهج المكتوبه للطلاب بمختلف مراحله الدراسيه انهم فراعنه وفرعون والناس بقيت أول ما تذكر كلمة ملوك مصر يكفروهم على طول ويقولوا فراعنة .

وحاليا الناس رابطين كلام الدكاتره بتأكيد منهم على الموضوع، وبيقولوا ليه اسمهم فراعنة ومش بيقولوا مصر القديمة ولا مصريين قدماء ،

الدكاترة بتقول فراعنة لإنها بقت لفظ شائع عند الناس، ف لو جيت قولت مصر القديمة بقيت تفكرهم جيل زمان و الملك فاروق وغيره ، عكس ما تقول كلمة فراعنة ف هى بقيت معروفه ، وللأسف انا شايف ده غلط ..

فرعون ربنا دمره وانتهى

“ودمرنا ما كان يصنع فرعون وجنوده “

وكمان الآية اللي بتقول” فاليوم ننجيك ببدنك لتكون لمن خلفك آية” سورة البقرة

مومياء فرعون مظهرتش لحد دلوقتي ومحدش يعرف مكانها فين وحتى مركب الشمس إلي ف الهرم دي تخص رمسيس الثاني واثبتنا بالأدلة التاريخيه والعلمية والدينية كمان انه برئ

شوية مصادر للناس الي بتحب تبحث

كتاب فرعون وذي الاوتاد

موسوعة مصر القديمه

تاريخ مصر لهيرودوت

هضبة الجيزة لزاهي حواس

#عمرو_جادو

#الرحاله_جادوسكي

#جادو_الي_بيكتب_تاريخ