قصيدة : فى البدايه
فى البدايه *** كل شئ بيكون جميل
نظرة العين اللى تسحر *** لمسة الايد اللى تخطف
والسهرعلى غنوه حلوه ف ليل طويل *** كل شئ بيكون جميل
تبدأ الاشواق تاخدنا *** لو تطول لحظه بعادنا
او يتوه بنا السبيل *** هى تنده
هو يسمع *** هى تدى
هو يمنع *** هى تدمن
هو يرجع *** والفراق فى قلوبنا يوجع
واللقا مالهوش بديل *** حبه حبه
كل حاجه جميله تصبح *** نار بتاكل فى الضلوع
القلوب م النبض تخدل *** والعيون الصابحه تدبل
رغم ترويها الدموع *** كل حاجه جميله كانت
فجأه هانت *** الوعود بشايرها بانت
كله مستنى الرحيل *** اه يا دقه قلب ناقصه
عشقتى ناس كان سهل تنسى *** سهل تبعد بالشهور
سهل تبنى ما بنا سور *** سهل توجد فيك كسور
ناس بشر من طين وميه *** مش ملايكه ولا حور
كلنا بنغلط ونرجع *** كلنا بعتب ونسمع
كلنا اوراق بتعشق *** ان موج الحبر لازم
كل يوم يطوى السطور
اما هما
نسيوا ضحكتنا ف خلانا *** ووسط لمه
نسيوا لما
يوم ماكانوا بينسوا احزانهم بضمه
نسيوا لما راضونا بس يادوب بكلمه
احنا ما اخترناش فراقهم
بس هما…
اختارولنا نكون بعيد *** زرعوا فينا الحزن ورده
كل ما بتدبل بتطرح من جديد *** حطيناهم تاج قلبوبنا
عاملوا روحنا كما العبيد
الخلاصه …
كل شئ فى بداية اجمل *** والجمال مش راح يدوم
الفراق فى الحب اسهل *** من اللقا وسط الغيوم
نطوى نبض قلوبنا افضل *** الجراح مالهاش لزوم
