الإجابة ببساطة: لأنه مفتاح من مفاتيح التهريب الإقليمي للذهب والسلاح والبشر، وبوابة لثروة صافية بتمول حربه وتديله شرعية أمر واقع.
الدعم السريع دخل المثلث ده بعد انسحاب الجيش السوداني بشكل يثير ألف علامة استفهام
وسط تسهيلات وتنسيق واضح مع قوات حفتر، والنتيجة؟
الممر بقى في قبضة مليشيا، والذهب السوداني بقى له طريق مفتوح يوصل لليبيا ومنها على دولة خليجية… بمباركة إقليمية وسكوت رسمي.
ليه المثلث ده مهم؟
المثلث ده مش مجرد حدود. ده:
معبر صحراوي آمن بعيد عن أعين الدول
نقطة تلاقٍ بين طرق تهريب الدهب من دارفور وخطوط تصديره من ليبيا
ساحة مفتوحة بتتحكم فيها قبائل مسلحة، ومليشيات، وتحالفات مش رسمية، لكنها أقوى من الجيوش أحيانًا
إيه اللي بيحصل على الأرض؟
الجيش السوداني انسحب: رسميًا “إعادة تموضع”
لكن فعليًا تفريط في واحد من أخطر مفاصل الدولة
الدعم السريع دخل بثقة، ومعاه دعم لوجستي من حفتر
دولة خليجية في الصورة، مش بتموّل بس… دي بتاخد الدهب وتغطّي التهريب تحت مظلة شركات واستثمارات واجهة
الدعم السريع مش بيحارب علشان يكمّل معركة… هو بيحارب علشان يحكم اقتصاد غير رسمي مبني على الذهب والسلاح والحدود المفتوحة
سيطرته على المثلث معناها إنه بيأمّن لنفسه دولة موازية جوه السودان، بدعم من محور إقليمي متكامل
الذهب السوداني بيمشي في قنوات غير شرعية، يوصل لـ دولة خليجية، يتنضف ويتباع، والفلوس ترجع تشتري سلاح يزيد النار اشتعال
اللي حصل النهاردة مش مجرد انسحاب للجيش… ده انسحاب للسيادة.
واللي بيسيطر على ذهب السودان مش محتاج كرسي رئاسة… لأنه اشترى الدولة من تحتها.
- قصة : “البيت الذي لا يرحم”
- خاطرة : الشغف
- خاطرة : الحزن ليس ضعفًا
- قصة : مقعد من بكاء
- قصيدة :عاش جوه البير
About Me
