ماذا يحدث في الشرق الأوسط؟!

Written by AMR GADO

اللي بيحصل في المنطقة مش مجرد صراع عشان منع ايران تمتلك سلاح نووي لان ديه واجهة للي بيحصل لكن في الحقيقة الامر اعقد من كده بكتير وهسرده ليك دلوقتي

الصهاينة عايزين يكونوا هما القوة الاوحد في المنطقة
ولكن امامهم 3 عقبات وهي ايران وتركيا ومصر

وكل واحدة منهم عايزة تكون القوة الاوحد رغم المشاكل السياسية والاقتصادية اللي بتعاني منها كل دولة منهم

فكان الهدف هو تحييد وتفتييت واضعافهم حتى ولو وصلت للتقسيم

فالهدف هو تصفية القوى الثلاثة ديه وان كمان منع اي دولة منهم يكون عندها سلاح ردع استراتيجي

زي السلاح النووي وان دولة هتمتلكته هتفتح الباب لسباق نووي في المنطقة وده هيكون عقبة في طريق احلامهم

فكان الهدف تفريق القوى الثلاثة ومنع اي محاولة للاتحاد رغم الخلافات بينهم لعدم تشكيل ثقل جيوسياسي

على مستوى الاقليم يهدم احلام الصهاينة في دولة توسعية توصل اقصى حدود لها من النيل للفرات ومن البحر المتوسط وحتى المدينة المنوره

الصهاينة مخططين من سنين هيعملوا ايه كويس وعندهم بنك اهداف لضرب الدول الثلاثة سواء اهداف لقادة الدولة والجيش

وبالاضافة كمان لاهداف لقواعد عسكرية وجوية ومحطات الطاقة وبالتالي يشلوا اي
بلد منهم بعملية عسكرية جوية بدون الحاجة لتحريك جندي واحد على الارض

وقبل ما ده يحصل لازم يضربوا اي جماعة معاها سلاح موجودة في المنطقة لقطع الطريق في انهم يدعموا اي دولة من الدول الثلاثة

ويكونوا بمثابة خنجر في ظهرهم خصوصا اخواتنا اللي لن يترددوا لحظة في دعم مصر

من مصلحة مصر انتصار ايران او حدوث تعادل والمهم ان ايران لا تُهزم ابدا مهما حصل لان هزيمتها معناها ان الخطوة القادمة هي تركيا او مصر

ومش هقولك ده هيحصل من اليوم التالي ولكن هيحصل خلال سنين ما بعد سقوط ايران

القوة الفعلية اللي تقدر توقف احلام اللي ميتسموش مصر رغم ضعفها الاقتصادي ورغم تقزمها السياسي ولكن تظل قوة عسكرية مهيبة وقوة بشرية مهيبة قادرة انها توقفهم عند حدهم لو خدت القرار بالتحرك

ولو قعدت فكرت مع نفسك ايه سبب الازمات الاقتصادية اللي بتحصل وتدهور الاقتصاد المستمر عشان يا سادة قوة اي جيش بخلاف جنوده وسلاحه

هي اقتصاد بلده ومستحيل جيش يحارب بدون ان يتوفر له كل الدعم اللوجيستي من اكل ومياه ووقود وفلوس كمان ولو في لحظة البلد مش قادرة توفر خلاص الجيش بينهزم ولو كان اقوى جيش في العالم

الصهاينه يتفوقوا على المنطقة كلها في سلاح الجو شئت ام أبيت هما احسن منك في ده من حيث مستوى تقدم الطائرات العسكرية وفي مقابل ده القوات الجوية المصرية قوية لكن في فرق كبير في التسليح

لان امريكا حريصة اشد الحرص ان احدث الطائرات تتمد لهم ويظل التفوق النوعي ده موجود ولو روحت لطائرة غربية قريبة من سلاح امريكي تتمارس عليك ضغوط او تتمنع عنك باي حجه وفي مقابل ده مصر بتعوضه بان عندها اقوى دفاع جوي في المنطقة واعقد دفاع جوي ناتج من توليف دفاعات جوية شرقية وغربية ومصرية بصناعة محليه

يا اللي بتقول ان ديه مسرحية فكر شوية ولمصلحة مصر انتصار او تعادل ايران وده هيبعد خيار الحرب مع الصهايته لفترة اطول ومعاهدة السلام اللي بينك وبينهم مؤقتة مش دائمة وهما عارفين ده كويس وبيخططوا لما بعد تمزيق معاهدة السلام للابد

اتمنى ان لما يجي اليوم وتكون الحرب بينا وبينهم فعليا بتلوح في الافق وبقت قاب قوسين او ادني باننا لا ننتظر اعتدائهم علينا لان يا سادة التاريخ بيقولك لو هما بدأوا فضربتهم الاولى بتكون موجعة

وبتحسم الحرب بشكل كبير وانت شوفت ده بنفسك في نكسة 1967 لما استنيت الضربة الاولى وشوفت بنفسك حققت قد ايه انتصارات عسكرية في حرب 6 اكتوبر لما انت كنت صاحب الضربة الاولى وديه كلمة للتاريخ