"اطمح يبقى ليا بصمة صوت وأعمال رسمية" آلاء رفعت وطموح لا ينتهي

Written by إدارة المجلة

من هي المُعلِقة الصوتية آلاء رفعت ؟

إسمي آلاء رفعت حمزة خريجة خدمة إجتماعية بحب مجال الڤويس أوڤر ولوني المفضل الدوبلاچ والتمثيل الإذاعي

متى بدأتِ التعليق الصوتي ؟ ولماذا أخذتِ تلك الخطوة؟

بدأت من 2020 والله الخطوة دي جات فجأة أنا أصلا بحب الكرتون أوي وبحب اقلدهم ومرة قررت طيب احاول أعمل ده

وفعلا اخدت الخطوة دي ونفذت مع التدريب بدأت اخد خبرة في المجال ده كمان اهلي و صحابي شجعوني

وصحابي اللي في المجال قالولي إنتي تنفعي دوبلاچ اكتر ولاقيت نفسي لإني أساسا بحب الكرتون وبحب برضه التمثيل الإذاعي

ماهي أهدافك من التعليق الصوتي ؟ وماذا تنتظرين في المقابل؟

اهدافي من التعليق الصوتي اقدم برنامج إذاعي مفيد برنامج إجتماعي الفئة المستهدفة الشباب ولاد وبنات

و في المقابل اطمح يبقى ليا بصمة صوت ويبقى ليا أعمال رسمية يبان أدائي و قدرتي في التعليق الصوتي وتكون حاجة هادفة بإذن الله

هل ستشاركِ في جوائز أدبية هذا العام ؟

للأسف لا أستطيع المشاركة هذا العام

هل يمكنك ذِكر ثلاثة مفاهيم أو عناصر تطبقيها في كل سكربيت؟

ككتابة ولا كتعليق

دا ودا

بالنسبة للكتابة أول عنصر الوضوح الجمل تكون بسيطة وواضحة مش معقدة مثلا لو هكتب قصة عن الزواج المبكر يبقى اوضح اضراره على البنت وده اهم عنصر

اوضح القصة او الفكرة إللي بتجيلي تاني عنصر تسلسل الأحداث أي قصة او رواية بيبقى فيها بداية ووسط ونهاية فلازم يكون في تسلسل الأحداث وترابطها

مثال بنت عندها 14 سنة وفجأة بقيت زوجة وام وبعد كده ابدأ اشرح ليه ده خطر وانهي القصة بنصيحة ده بيبقى افضل اعرض المشكلة واقول حلها مش اسيبها كده وإلا إيه الهدف من القصة

تالت عنصر العاطفة او الاتصال الإنساني مهما كان الموضوع إيه لازم المس قلب إللي بيسمعني ادخل مشاعر سواء خوف او توتو او قلق او غضب

واستخدم مواقف حقيقية او شبه حقيقية واكتب كإني بتكلم من القلب مش مجرد بنقل معلومة

مثال بدل ماقول الطلاق بيأثر على الاطفال نقول مثلا ادهم عنده 8 سنين بيسأل بابا راح فين بابا هيجي إمتى ومامته مش قادرة تجاوبه

بالنسبة للتعليق بقى اولا التركيز على الكلام دايما كنت أسمع نحس بالكلام الإحساس بالكلام وندي كل كلمة حقها

ده بيفرق أوي الصوت مش بس وسيلة نقل كلام بس لا وسيلة نقل الإحساس بدل ماقول في اطفال بيعانوا من البرد

في اطفال بيناموا كل ليلة في البرد القارس من غير بطانية

ثانيا الإيقاع والتنفس مش كل كلمة ورا بعض لا اسيب مساحة وانا بتكلم الوقفات تبقى صحيحة

ثالثا وضوح النطق والصوت مخارج حروفي تكون سليمة اتمرن على مخارج الحروف القاف والطاء والضاد اتجنب الكلام اللي بيتقال بسرعة او الهمس اللي بيخلي الكلام يتوه

هل هناك مُعلقين صوتيين مشهورين يُلهمونك؟ولماذا يُلهمونك؟

اوي كتير في مصري وفي سوري مصريين زي كريم الحسيني

ومعوض إسماعيل مريم الخشت وأسامة منير وفي معلقين سوريين مروان فرحات و زياد الرفاعي أسيمة يوسف همسة الحايك

إذا كان بإمكانك تحسين محتواكِ، ماذا ستغيرين؟

بصراحة لإنهم بيعروفوا يوظفوا صوتهم كويس

تحسين الأسلوب الافكار تكون متنوعة و مختلفة بدل مركز على فئة معينة زي فئة الشباب ممكن اركز على فئة الاطفال والكبار برضه

ما هي أسوء مواقف حدثت لك في الوسط الفني؟ وماذا تعلمتِ منها؟

بصراحة مفيش مواقف إتعرضت ليها اقدر اعتبره من أسواء المواقف بالعكس كل تجربة بتعلم منها

في مرة بس فقدت شغفي للمجال بسبب تجاهل بعض الناس او قلة التقدير وده اغلب الڤويس أوڤر مره بالتجربة دي بس الحمد لله في ناس بتدعم وبتشجعني وده خلاني استمر تاني بإذن الله

ما هي الصفات التي تجعل من المُعلق الصوتي مُعلق جيدا؟

إتعلمت الصبر المجال ده محتاج الصبر وتشتغل على نفسك كتير أوي لحد مايبقى ليك اسم

الصفات أولا التحلي بالصبر والإنصات يسمع اكتر مابيتكلم يتابع زمايله يقبل النقد البناء يستمر في شغله والتركيز على الاداء وخامة الصوت مهمة لكن الأداء اهم بنسبة 70 % اما الصوت 30%

في الأخير ما هو إنطباعك عن المجلة ؟ وما هي ملاحظاتك في ما يخص المحتوى؟

إنطباعي عن المجلة بصراحة في مجهود واضح بتدعم كافة المواهب الشابة ودي حاجة كويسة ماشاء الله

وربنا يوفقكم وماشين دايما في الطريق الصحيح لو في ملاحظة ممكن نركز على فئة الشباب والمواهب الجديدة

في النهاية بنشكر حضرتك جدًا علي اللقاء الممتع دا ونتمنى لحضرتك كل التوفيق.