إدارة المجلةمن هي المُعلِقة الصوتية شيماء مراد؟
هي اكتشفت حبها للمجال صدفه وبدات من ثلاث سنين تحاول وتتدرب عشان تكتشف ايه اللون اللي بتحبه ومميزه فيه
لماذا أخذتِ تلك الخطوة؟
لان اكتر من حد كان بيقول لي ان صوتي في حاجه مميزه ويمكن كمان من وانا طفله صغيره وانا جوايا حب للمجال ده
ماهي أهدافك من التعليق الصوتي ؟ وماذا تنتظرين في المقابل؟
هدفي اني احقق حلمي وابقى مقدمه برامج في الاذاعه وبحب جدا الاعلانات
لماذا إخترتِ مجال التعليق الصوتي بالذات؟
هو اختياري بيجي عن طريق الصدفه كنت في مره انا ومجموعه من صحابي مع بعض في جروب وعملنا فكره برنامج وكنت انا المذيعه واحده صاحبتي اقترحت عليا اني انضم لجروب على الوتساب للتعليق الصوتي ومن هنا بدات اركز ايه هو التعليق الصوتي وفعلا لقيت نفسي فيه
هل ستشاركِ في جوائز أدبية هذا العام ؟
الصراحه ما فكرتش اشارك في حاجه زي كده
هل يمكنك ذِكر ثلاثة مفاهيم أو عناصر تطبقيها في كل سكربيت؟
هو على حسب نوع السكريبت اللي انا بشتغل عليه يعني لو سكريبت تمثيلي فتقمص الشخصيه اللي انا بقدمها
هل هناك مُعلقين صوتيين مشهورين يُلهمونك؟ ولماذا يُلهمونك؟
هو انا الحقيقه تركيزي بيبقى اكبر على المعلقين الرياضيين
بس من الاصوات المميزه بالنسبه بالنسبه ليا في التعليق الصوتي بعيد عن الرياضه اسامه منير صوته مميزه جدا ويوسف الحسيني
لكن في الفتره الاخيره في اصوات جديده فعلا مميزه وبحب اتابع كل اعمالها
إذا كان بإمكانك تحسين محتواكِ، ماذا ستغيرين؟
هو الحمد لله المحتوى اللي قدمته في الفتره الاخيره كان كويس والناس كانت حابه جدا وكان عامل نسبه مشاهدات كويسه
لكن حابه في الفتره اللي جايه اقدم محتوى يفيد الناس بشكل اكبر ويمكن في حاجه معينه حابه اسلط الضوء عليها بالشكل كبير واخلي الناس تركز معاها
ما هي أسوء مواقف حدثت لك في الوسط الأدبي؟ وماذا تعلمتِ منها؟
الحقيقه انا لحد دلوقتي لسه ما واجهتش حاجه اقول دي اسوء حاجه واجهتني
ما هي الصفات التي تجعل من المُعلق الصوتي مُعلق جيدا؟
انه يقدر يوصل بصوته لكل الناس
في الأخير ما هو إنطباعك عن المجلة ؟ وما هي ملاحظاتك في ما يخص المحتوى؟
المجله بتقدم محتوى متنوع وده حاجه جميله جدا وفعلا من اكتر الحاجات اللي حبيتها انها بتدعم المواهب وده قليل جدا لما يكون موجود في اي مكان
في النهاية بنشكر حضرتك جدًا علي اللقاء الممتع دا ونتمنى لحضرتك كل التوفيق.
- سلسلة قصصية : الخيط الأحمر(4)
- خاطرة :صورة وذكري
- سلسلة قصصية : الخيط الأحمر(3)
- قصيدة : النسيان
- قصة : عقار الحياة
About The Author
About Me
ماجي العقيلي
كريمة حمدان
إيمان فاروق
إنجي الشيمي