انت ممكن تكون بتشوف الصورة ديه لأول مرة
بس هتحس ان هي مألوفة ليك او كأنك شوفتها في عقلك الباطن او حتى في حلم ،
صورة المهرج ده مرتبط بيها قصة مُرعبـة ويمكن اثرها ملموس وتكاد تكون حقيقية
سنة ١٩٨١ بيتم الكشف عن مذكرات سرية لدكتور بولندي مكتوبة بخط إيديه ، التفاصيل الي جت في المذكرات ديه مرعـ،ـبة وتكاد تكون اقرب للخيال من الواقع وخليني اقولك ان نهاية الدكتور ده كانت بردو مر_عبة زي الي كتبه في مذكراته ، هو كتب تفاصيل نهايته بـ ايديه
بيقول الدكتور “توماش” في مذكراته الي كان كاتب فيها تفاصيل الي بيعمله خطوة بخطوة ، انه قد يطور تركيبة علاجية بمجرد حقنها في أي جسم بشري ، بعد لحظات الجسم حجمه يتضاعف بطريقة مهولة ، تقدر تغير من السلوك نفسه للشخص الي هيتحقن عشان يكون د..موي ، شر..س ، ميعرفش حاجة اسمها خو..ف او رحمة ، قادر ينفذ الي هيتطلب منه مهما كان بدون تفكير
قال نفس الدكتور في مذكراته انه استعان بالسحـ،ـر مع الطب ، وانه كان من المستحيل يقدر يوصل للي في دماغه بالظبط او الي عاوز يعمله غير بمساعدة كائنات من العالم الاخر زي ما نصحه واحد من أصدقائه ..
وده الي عمله بالظبط ، قدر يجيب كتب سحـ..ر وذكر اسماء الكتب ديه في مذكراته بس مش هنقولها طبعاً ، وقال انه قدر يحضرهم ويتواصل معاهم وكانوا مستعدين يساعدوه عن طريق بعض الطلاسم الي هتتقال على المادة ديه وبمفعول السـ..حر هتحول الشخص الي هيتحقن بيها للشكل الي هو عاوزه
بس مقابل ده كان ليهم طلب، الا وهو حياته ، الغريب ان الدكتور “توماش” كاتب في مذكراته انه وافق على كل الطلبات الي طلبوها منه وانه كان مستعد انه يمـ،وت مقابل نجاح التجربة
قال الدكتور انه قدر يطور المادة وعمل عليها كل الطقوس السحـ..رية زي ما الجـ..ن وصفله بالظبط ، والموضوع كان واقف على التجربة الفعلية ، بس المشكلة انه مكنش عارف هو ممكن يجربها على مين
بس في يوم وهو بيحضر عرض في السيرك جيه في دماغه فكرة شيطا..نية ، عرض على المهرج الي بيقدم العرض انه عنده حفلة فيه بيته ومحتاج انه يجي ويقدم فيها عرض من عروضه مقابل مبلغ كبير من المال
المهرج وافق على الفور وحدد معاه الميعاد وجهز الدكتور كل حاجه وهو متحمس انه يشوف نجاح تجربته على المهرج الغلبان
بالفعل يحضر المهرج في اليوم المحدد ويتفاجئ ان البيت مفيهوش غير الدكتور فقط ومفيش اي حفلة زي ما قاله ، لكنه وقتها شربه عصير فيه مخدر واقنعه ان الضيوف على وصول
عشان بالفعل يشرب المهرج العصير ويقدر بعد كده الدكتور يحقنه بالمادة الي كان مجهزها..
لكن الغريب انه كتب تفاصيل الي حصل في مذكراته ، كتب انه مجرد ما حقنه شاف التجربة بتاعته بتنجح ، شاف المهرج جسمه بيكتسب حجم ضخم جداً شبه العمالقة الي بنسمع عنهم وفي نهاية المذكرات كتب جملة بخط كبير
” نجحت التجربة ، انا الآن مستعد للمو_ت”
المفز..ع ان وقت الكشف عن وفاة الدكتور لقوه ميـ..ت في بيته وعينيه مفتوحة على اخرها وعلى وشه علامات فز..ع مش طبيعية ، لدرجة ان الناس الي اكتشفت وفا..ته كانت خايفة تقرب منه..
وقتها محدش قال السبب الي وصله لكده ولا حد جاب سيرة المذكرات والي لقوه فيها ، كل الي اتقال ان الدكتور توماش كان من ممارسي الس..حر ، وده لأنهم لقوا في مكتبة بيته كمية كبيرة من كتـ..ب السـ..حر
كل الي اتقال ان جايز مو..ته بالطريقة ديه سببه هو الجن لأنه حضرهم في جلسة من جلساته وشافهم بشكلهم الحقيقي والي قلبه مستحملش منظرهم وما..ت
لكن لاحقا لما تم الكشف عن المذكرات والي فيها ، قالوا ان كان مدرج مع المذكرات ديه صورة المهرج ، و ان وقتها مكنش فيه تقنية تصوير الوان، كانت الصور ابيض واسود بس ، فا محدش كان يعرف ازاي الصورة ديه جت عنده من قبل حتي ما يتم اكتشاف التصوير بالألوان
وعشان كده اتقال ان جايز الصورة اتسابت من المهرج نفسه لأنه كان مسحور وبيمتلك قدرات خارقة ، بس المهرج نفسه اختفي نهائياً محدش قدر يوصله ، الاغرب كمان ان السطر الي مكتوب فيه مكونات التركيبة في المذكرات ممسوح بطريقة غريبة رغم ان الكلام مكتوب بالحبر ، ده كان كلامهم
الموضوع تفاصليه تكاد تكون خيالية متتصدقش ، بس العالم فيه حاجات كتير احنا منعرفش عنها حاجة ، خصوصاً اننا سمعنا عن تجارب مشابهة بتتعمل على البشر
بس قولي انت لما شوفت الصورة محستش انك شوفتها قبل كده او حلمت بيها او متخزنة في عقلك الباطن؟.. انا نفسي اول لما شوفتها حسيت اني شوفتها قبل كده
ولما دورت لقيت ان فيه اجانب كتير بيتكلموا عن الموضوع وفيه تعليقات ليهم في بعض المنتديات والمواقع عن الموضوع ده ، وفيه منهم الي كتب انه حلم بنفس المهرج قبل ما يشوفه .
About The Author
About Me
ماجي العقيلي
إدارة المجلة
كريمة حمدان
إيمان فاروق
إنجي الشيمي
مرعب فعلا