إليّ حضراتكم شايفينها تحت دي صور لاثار الدمار اليّ الناس قدرت توثقه بعد العاصفه الي ضربت سواحل اسكندريه الفجر

ودا بيجي بعد ضربتين زلازل الاسبوع الي فات..
طبعا كلنا تابعنا الي بيحصل ف اسكندريه من تطرف جوي غير مسبوق..

شوف يا صديقي تعالي نحلل الي حصل دا بشكل علمي..
المنخفض الجوي الي بيضرب جنوب أوروبا بقاله كام شهر وبيقرب من فتره للتانيه لسواحل أفريقيا الشماليه
والي بيجي ف وقت غريب من السنه.. كمان الموجه الحاره الي كانت موجوده الفترة الأخيرة ساعدت ان الظاهرة دي تبقي متطرفه
ومن كرم ربنا علينا أن الكوارث الي بتحصل دي بتضرب اليونان وإيطاليا دا غير أن فيه بركان بيثور دلوقتي وانت بتقرأ الكام سطر دول
وطبعا الانبعاثات الدفيئه دي مع المنخفض الجوي مع دخول فصل الصيف هيسبب تغيير ف المناخ بشكل مفاجئ
وتوابع دا منطقيًا تكون الصعوبه دي..
نيجي كمان لاهم حاجه والي اتكلم فيها خبراء مناخ وعلماء كتير ان الاحتباس الحراري كل ما بيزيد كل ما دول زي مصر هتتأثر بشكل ملحوظ
لان طبيعه جوها دافي وقربها من أجواء أوروبا وكمان وجودها ف حوض البحر المتوسط هيخليها عرضه لكل الظواهر دي
والي بطبيعة الحال مع ارتفاع منسوب البحر وتأثيره الكبير على الأجواء الشماليه هيكون وجود ظواهر زي دي طبيعي جدا طول اوقات السنة
من فتره وبحكم شغلي لازم اتابع برامج الطقس بشكل دوري كنت بتناقش مع بعض الزملاء عن موضوع الظواهر الي ممكن تحصل ونسبة حصولها ف القريب او المدى الطويل وكان الكلام انه موقعنا الجغرافي بيحمينا من التطرف المناخي
لكن الي باين قدامنا وتحليلي للوضع والفيضانات الي بتضرب دول زي أمريكا وكندا دلوقتي انه مفيش حد يقدر يتوقع حاجه

وخصوصا ان اغلب دولنا مفيهاش لجان مواجهة كوارث وازمات ودا لان من بداية تأسيس الدوله المصريه من ١٠ تلاف سنة قبل الميلاد وأجواء بلدنا معتدله صيف او شتا..
الخلاصه يا صديقي ان الوضع غير مبشر ولازم يبقي عندنا وعي ونخلي بالنا ونستعد لاي طوارئ ف المستقبل وربما يسترها علينا ويحمينا من غضبه..وهتلاقي ف الكومنتات شكل العاصفه الي بتتكون قرب مطروح من الصبح وممكن تيجي ف طريقها لإسكندرية تاني
- سلسلة قصصية : الخيط الأحمر(4)
- خاطرة :صورة وذكري
- سلسلة قصصية : الخيط الأحمر(3)
- قصيدة : النسيان
- قصة : عقار الحياة
About The Author
About Me
كاتب وباحث في تاريخ الأمم ولديه عدة مؤلفات منشورة ورقيا والكترونيا