“الخامنئي” سلّـم السلطة !
المرشد الإيراني علي الخامنئي بيقول: لابد أن نتعامل بكل حزم ولا نتهاون أو نتساهل
بعدها قال أفوض كامل صلاحياتي إلى المجلس الأعلى للحرس الثوري ..الحرس الثوري عااادي جدًا بيدخل إيران في حـرب عالمية .. لان الحرس الثوري هو الجهة الأكثر عنفًا والأقل حذرًا وحيطة في إيران ..
الخامنئي يعتبر بيسلم السلطة بشكل لطيف .. لإن الجملة اللي قالها ” ترامب ” امبارح مش سهلة ، لما قال : ” نحن نعرف أين يختبئ المرشد ” الخامنئي .. ولكننا لن نقتـله حاليًا “
الخامنئي حس إنها ممكن تكون آخر أيامه ، فحب انه يسلم السلطة علشان يختفي تمامًا ، منها يخرج بره المشهد ويأمن حياته .. ومنها لو اغتـالوه ميكونش ساعتها في الحكم والا هتكون ضربة قاسمـة لايران واضعاف لعزيمة المقاتلين !
ودا كان الاختيار الافضل بصراحة وبأيده فيه جدًا !
بعد الفيديو دا الأحداث تسارعت بطريقة مرعبة ..
قناة “HuffPost” العالمية أكدت الخبر وهو ان أمريكا زودت بالفعل الكيان الصهيوني بقنـبلة خارقة التحصينات GBU-57/B واللي وزنها حوالي ١٦ طن .. وسعر القنبلة الواحدة ٣ مليون دولار .
لكن القنبلة الواحدة مش هتدمر مفاعل زي مفاعل ” فوردو ” مثلًا .. لان القنبـلة دي عندها القدرة على اختراق الخرسانة لحد عمق من ٤٠ : ٥٠ متر .. لكن عمق مفاعل ” فوردو ” من ٨٠:٩٠ متر .. يعني علشان تدمر المفاعل محتاج اكتر من قنبلتين !
لكنها بداية على الاقل ..
ايران طبعًا داخلة الحـرب دي كلها لا علشان الدين ولا علشان الاقصى ولا غيره .. هي داخلاها للحفاظ على برنامجها النـووي .. واللي امريكا اعطت اصلًا الضوء الاخضر للكيان الصهيوني في تدمـيره وهتساعدها في دا .. دا غير ان اغلب التقارير بتقول ان اللي هيستخدم القنبـلة اصلا هي امريكا مش الكيان الصهيوني..
المهم ان ايران مش هتسكت .. ومش هتسمح لحد يقرب من برنامجها النــووي دا غير ان السلطة حاليًا في ايد أكثرجهة عنفًا وغشومية في البلد ” الحرس الثوري “
وبالفعل اول قرار أخده قائد ” الحرس الثوري ” ومجلس قيادته هو قصـف إسرائيل من العمق والشمال .. تل أبيب وحيفا بالتحديد .. وبالفعل أرسل ٣٠ صاروخ في عمق تل ابيب وحيفا وفيهم صواريخ أصابت اهدافها إصابات مباشرة ..
جيش الكيان بعد ما كانت الأحداث هديت دق طبول الحـرب وبدأت صفارات الانذار تدوي
ونادوا على الشعب المحتـل ينزل الملاجئ تاني زي الفئران ، وبالفعل منهم اللي نزل يجري بالملابس الداخلية بعد سماع دوي الانفجارات ..
جيش الكيان مسكتش وبدأ يبعت صواريـخ في عمق طهران العاصمة ..
قام الحرس الثوري قالك تمام مفيش مشكلة .. خد يا عم ال ١٠ صواريخ دول كمان وارميهم على قواعد عسكرية ..
قام جيش الكيان مسكتش وقالك تمام .. متزعليش مني بقى يا ايران .. وقام مهاجـم مجمع تطوير للصواريخ في منشأة صناعية عسكرية اسمها ” بارشين ” بالقرب من طهران ..
وقام وزير دفاع الكيان قال : ” من الواضح ان ايران تعجل بالنهاية وهذا التصعيد سيلزم رد قوي ولا أستبعد البدء في ضرب مفاعل ” نطنز ” ومفاعل ” فوردو ” اليوم !
لكن حصل حاجة اصابته بالخجل وهو ان من ضمن الصواريخ اللي ارسلتها ايران كان في صاروخ باليستي مرسل لهدف في قلب تل ابيب .. ولما حاول صاروخ اعتراضي يتعامل معاه ويعترضه قام الصاروخ الاعتراضي فشل في مهمته ونزل هو كمان في قلب تل ابيب .. ودي للمرة التانية بتحصل
ويتكرر الفشل دا
وبدأت ايران تروج لان منظومة الدفاع الجوي اصابها عطل ..
فـ أمريكا تدخلت وقالت : ” يمكننا انهاء الأمر الآن واعطينا للكيا نالصهيوني الضوء الاخضر لضرب مواقع ومنشآت نووية وعسكرية “
قامت ايران ردت وقالت : ” طيب خاف بقى على قواعدك العسكرية االي مالية الخليج علشان هم في مرمى نيـرانـي .. واللي عنده قاعدة يلمّـها “
وبعدها الصفحات الايرانية السياسية اتبعتلها صور موحدة من الاستخبارات الايرانية علشان تنزلها .. وهي صور لصواريخ مصنوعة بإيران .. لكن المرعـب ان الصواريـخ دي ليها رؤوس نــووية .. ركز يا صديقي .. مش رؤوس حربـية .. رؤوس نـووية ..
وزي ما قلتلك الحرس الثوري دول مبيهزروش .. والصفحات كلها كتبت ” لا تناموا اليوم .. فالكثير سوف يحدث .. المعركة بدأت “
فالنتيجة دلوقتي الكيان الصهيوني وامريكا معاهم قنابـل خارقة للتحصينات وبيهددوا باسقاطها على مفاعل نطنز وفوردو وايران معاها رؤوس نووية وبترفع صورها في كل مكان كنوع من التهديد ..
والجيش دا بيقصف طهران حاليًا .. والجيش التاني بيقصف تل ابيب وحيفا .. ومحدش عارف هتخلص على ايه ؟!
ربنا يستر علشان غلطة واحدة من هنا او غلطة من هنا .. تهور فردي من هنا او خطأ شخصي من هناك .. هندخل في حــرب اقليمية تفوق حــرب الخليج بمراحل .. وهتتبعها حــرب عالمية ثالثة ..
About The Author
About Me
إدارة المجلة
ماجي العقيلي
كريمة حمدان
إيمان فاروق
إنجي الشيمي