أوكرانيا وجّهت ضربة كبيرة لروسيا! أطلقوا عليها هجوم “شبكة العنكبوت”.
هجوم استراتيجي على مطار القاذفات النووية بتاع روسيا، اتدمر فيه على الأقل طيارتين نوويّتين في قلب منطقة سيبيريا!
الأخطر؟
الهجوم طلع من جوا الأراضي الروسية نفسها.
يعني الطيارات المسيّرة ما جتش من أوكرانيا، دي طلعت من شاحنات جوه روسيا، واقفة قُرب المطارات العسكرية!
الهجوم ضرب كذا قاعدة استراتيجية في نفس الوقت زي:
ـ قاعدة أولينيا في مورمانسك،
ـ قاعدة بيلايا في سيبيريا،
ـ قاعدة إيفانوفو ودياجيليفو في ريازان.
وقد اكدت روسيا تدمير أو إخراج ما لا يقل عن 20 قاذفة استراتيجية
طراز Tu-95 من الخدمة، خلال العملية.
بالبلدي كدا روسيا صحيت على كارثة!
التفاصيل بتقول أن الطيارات خرجت من شاحنة روسية، والسواق اتقبض عليه. و في التحقيقات قال إنه ماكانش يعرف إيه اللي جوا الحمولة، وإنه كان فاكر بيشحن حاجة عادي، ولما وقف يزوّد بنزين عند محطة، شاف الطيارات بتطير من جوا العربية!
المقلق، مش الضربة نفسها…
المقلق الحقيقي هو ردّ فعل روسيا!
إحنا بنتكلم على ضربة على مطارات نووية، جوه أراضيهم، لأهم سلاح عندهم، و كل دا من غير ما يحسّوا!
بوتين دلوقتي بيغلي، واللي جاي ربنا يستر.
هل هيعمل تصعيد نووي؟
وياترى هينتقم بضربة أقوى؟
ولا هيشدّ أكتر على أوروبا؟
محدش يقدر بتوقع بس اللأكيد
إن الدنيا داخلة على توتر كبير وكالعادة مردودة جاي علينا، و خاصة في تجارة القمح و الشعير والدقيق.
- قصة : “البيت الذي لا يرحم”
- خاطرة : الشغف
- خاطرة : الحزن ليس ضعفًا
- قصة : مقعد من بكاء
- قصيدة :عاش جوه البير
About Me
